Нэгэн зүйл: Хүний амьдралын тухай нэлээд хэдэн ном уншлаа. Ойлгосон зүйлээ тоймлоё. Ер уншаад байхнаа хүний энэ амьдралд махан биеийн амьдарлаас гадна сүнсэн биеийн амьдрал хамт хөгжиж явдаг аж. Зарим хүмүүсийн батлан хэлж байгаагаар бид энэ хорвоо дээр уул нь сүнсэн биеэ хөгжүүлэхээр ирсэн гэнэ. Гэвч хорвоогийн нүд хуурсан зүйл болох өнгө мөнгө, махан биеийн буюу адгуусан биеийн жаргалыг хөөж явсаар амьдарлаа дуусгадаг гэнэ. Үхэл бол төгсгөл биш бөгөөд хойт нас гэж байдаг. Энэ насандаа сүнсэн биеэ хөгжүүлэлгүй материаллаг зүйлс, махан биеийн жаргал, өнгө мөнгөнд хэт шунаад байвал орчлонд төрсөн зорилгоо биелүүлж чадалгүй хойт насандаа бүр төрөл доошилж ч мэднэ гэнэ. Энэ ертөнцөд бидний ирсэн зорилго бол сүнсэн биеэ хөгжүүлэх явдал гэдгийг ахин дахин баталсан байна.
Юутай ч бясалгал бол хэрэгтэй зүйл гэдгийг дашрамд дурдая. Сэтгэл санаагаа түвшин байлгаж амар амгалан түвшинд оршин байх нь хүний эрүүл мэндэд туйлын тустай зүйл гэдгийг би баттай хэлж чадах байна.
No comments:
Post a Comment